म प्रधानमन्त्री हुँदापनि पृथ्वीजयन्तीका दिन विदा दिन हुँदैन भन्ने प्रचण्ड नै हुन्, अहिलेपनि दिन नचाहाने उनै हुन् : ओली

Loading...

काठमाडौं, २७ पुस। प्रधानमन्त्री पुष्पकमल दाहाल प्रचण्डले पृथ्वीनारायण शाहले खेलेको भूमिकालाई कसैलेपनि बेवास्त ागर्न नसक्ने भन्दै आगामी वर्ष पृथ्वीजयन्तीको अवसरमा सार्वजनिक विदा दिनेबारे वर्तमान सरकारले तयारी थालेको जनाए। उनले भने,‘यसै वर्ष पनि विदा दिने मेरो सोच थियो, तर तयारी नपुगेको कारणले आगामी वर्ष विदा दिनेबारेमा हामीलेनिर्णय लगभग गरिसकेका छौं।’

बुधबार राष्ट्रिय प्रजातन्त्र पार्टीले भृकुटीमण्डपमा आयोजना गरेको चियापान समारोहमा सहभागिता जनाउँदै प्रधानमन्त्री दाहालले भने,‘पृथ्वीनारायण शाहले बलियो केन्द्रीकृत राज्य निर्माणमा खेलेको भूमिकालाई ऐतिहासिक भौतिकवादले सकारात्मकरुपमा हेर्छ , हामी उहाँको योगदानको कदर गर्न तयार छौं, उहाँले खेलेको भूमिकाको सदैव सम्मान गर्न तयार छौं।’

उनले आजकै मन्त्रिपरिषदको बैठकमा सरकारी विदाबारे समीक्षा गर्न समिति गठन गरिएको समेत जानकारी दिए।

उता प्रमुख प्रतिपक्षी दल नेकपा एमालेका अध्यक्ष केपी शर्मा ओलीले पृथ्वीनारायण शाहको योगदानलाई कसैले भुल्न नहुने बताए। अध्यक्ष ओलीले आफू पृथ्वी जयन्तीको अवसरमा सार्वजनिक विदा दिन पहिलेदेखि नै सकारात्मक भएपनि विदा दिन भने प्रचण्डले नै नचाहेको आरोप लगाए।

उनले भने,‘पहिला म प्रधानमन्त्री हुँँदापनि पृथ्वीजयन्तीको दिन विदा दिनुपर्छ भनेर प्रस्ताव गरेको थिएँ, त्यतिवेलापनि अहिलेकै प्रधानमन्त्री जसले विदा दिन रोक गरे, अहिलेपनि उनै व्यक्ति प्रधानमन्त्री छन्, तपाईहरु अनुमान गर्नुहोस् कसले विदा दिन नचाहेको हो ? भनेर।’

पूर्वप्रधानमन्त्री समेत रहेका अध्यक्ष ओलीले मुलुक यतिवेला संकटमा रहेको उल्लेख गर्दै भने,‘नेपालको स्वाभिमानलाई जोगाउनको लागि पनि पूर्खाहरुले खेलेको भूमिकालाई हामी सबैले कदर गर्नुपर्छ, अहिले मुलुक संकटमा छ, त्यसैले पूर्खाहरुको योगदानलाई आत्मसात गर्दै सबै दलहरु एक भएर अघि बढ्नुपर्छ।’

कार्यक्रममा प्रमुख दल नेपाली काँग्रेसका सभापति शेरबहादुर देउवाले पनि पृथ्वीनारायण शाहको योगदानलाई सबैले कदर गुर्नपर्छ। नेपाल एकीकरणको लागि पृथ्वीनारायण शाहले खेलेको भूमिकाको लागि पार्टीले सदैव सम्मान गर्ने विश्वास व्यक्त गरे।

राप्रपाले प्रत्येक वर्ष पृथ्वी जयन्तीका दिन आयोजना गरेको विशेष चियापानमा मुलुकका लब्धप्रतिििष्ठत व्यक्तिहरुको उपस्थिति थियो। नेपालका लागि विदेशी कुटनीतिक नियोगका प्रमुखहरुदेखि सर्वासाधारणहरुको समेत उपस्थिति थियो।

कार्यक्रममा पृथ्वी जयन्तीका दिन विदा नदिएर सरकारले गम्भिर भुल गरेको भन्दै उपस्थिति मानिसहरुले आलोचना गरिरहेका थिए।



Loading...

सम्बन्धीत खबरहरु


Related Post

ताजा खबर      

बाजा बजाएर मधेस झर्छ एमालेः अध्यक्ष ओली

धनकुटा–नेकपा एमालेका अध्यक्ष केपी शर्मा ओलीले अहिलेको सरकार अन्तरीक्षमा अल्मलिएको जाहज जस्तो भएको बताएका छन्... बाँकी यता

Aatma Ram / January 18, 2017

आफ्नो वर्चस्व जमाउन पहाडीया शासकले मधेसको जमिन कब्जा गरेः सिके राउत

सिरहा– स्वतन्त्र मधेस गठबन्धनका संयोजक डा. सी.के. राउतले मधेसीकै जमिन खरिद गरेर मधेसीलाई नै भूमिहिन बनाउने... बाँकी यता

Aatma Ram / January 18, 2017

Facebook

Loading...

 फोटो ग्यालरी

सर्वाधिकार © 2017: saसाझा खबर मा सार्बधिक सुरक्षित छ. | बिज्ञापन | सम्पर्क | हाम्रो बारेमा | सर्तहरु Designed by: Profile Nepal